2023年6月28日，每月一次毅行教室長者金齡越野班到大埔大尾督越野跑練習。一眾參加者都能輕鬆完成大尾督八仙嶺一帶的山路。
第三期｜ 進階班 06.11.2025 第八課。今日係本期金齡進階班最後一課，一眾學員成功挑戰獅子山👏🏻👏🏻💪🏻，齊心登頂！ KK Sir 今日化身專業攝影師，親身示範點樣企位、點樣捕捉藍天白雲，仲細心講解影相時要留意角度、光線同構圖，務求令每張相都自然、有層次又充滿美感。仲全程都不忘提醒大家：安全、安全、再安全——呢點永遠擺第一，影得靚唔緊要，安全先至最重要！ 呢位攝影師真係無得輸👍，技術一流，眼光獨到，最叻就係影出大家最自然同大家最真摯嘅笑容！ 咁開心，原來仲有驚喜——最後一課仲有證書頒發🎓！大家影得靚、玩得投入，又有收穫，完美😍！ 感謝每位學員嘅投入與堅持，期待下期再見，繼續一齊挑戰、一齊開心！💫祝願大家身體健康，長走長有！ 合辦機構： 救世軍大埔長者綜合服務大埔長者社區服務中心
毅行教室慈善基金今天推出全新藍橙配色「毅行教室教練」制服。只提供符合以下條件人士穿著: 已考取「星級越野跑教練 - 銅章」 已完成50小時實習時數 通過 TTR 成員及 KK 技能評核 現時已有十多人獲得「毅行教室教練」制服資格，我們現正籌備一系列公開課程，讓公眾考取「毅行教室越野跑證書計劃」不同級別獎章。
【毅行精神，由年輕出發】 我們毅行教室將首次派出隊伍參加「樂施毅行者青年版」25公里挑戰賽，積極投入這項充滿意義的活動。 兩隊其中一隊由四位小將組成，齊心協力、互相扶持，帶著「毅力和自信」勇敢迎接挑戰；另一隊則由一位經驗豐富的Cosmoboys成員帶領，陪伴隊員們一步一步邁向目標，務求突破自我、堅持到底，完成這段助人自助的旅程。 這場將會是一場關於毅力、承傳毅行教室團隊精神與自我成長的賽事！祝願他們在山野中發揮教室精神，寫下屬於自己的一個毅行故事！