路線：一圈約10KM，1200M+ 。今天早上，我們在港島區集合，今課進行這條路線斜度1 比 1，還加上炎熱的天氣，對大家體能與意志來了個「下馬威」！
大家迎熱而上，相信經過這一課的洗禮，每位上山的能力、抗熱的耐力都受到考驗，為接下來的毅行團隊操練做好準備！
接下來的三課訓練內容將更為緊湊，挑戰難度更高，延續第一階段對速度、技巧與穩定性的要求，更將全面考驗大家的體能與毅力！
這次選拔名額無上下限，每位選手都有機會，期待大家全力以赴，不斷突破！
日期：02.11.2025 (星期日） 氣溫：23-27°C 濕度：59% 今朝我哋喺新界集合，進行一課輕鬆調整身心嘅訓練～不用追時間，不會拼速度，純粹享受腳步、呼吸同陽光 大家都輕鬆完成，狀態慢慢回來啦，正！ 下星期將會進行最後一課長課訓練，到時候大家加把勁，為毅行加油！ 同時，我哋亦要特別感謝富途證券第二年持續贊助與支持我們毅行教室 。這份支持對我哋教室有莫大鼓舞，更為青少年越野訓練的推廣增添深遠意義。
📅 日期：03.12.2025 (星期三） 🌡 氣溫：16-21°C 💧濕度：62.5% 大家高高興興😊咁出發，一路傾吓計、聊聊天🗣，天南地北什麼都講。之後再一齊跑一跑，郁一郁，出出汗，「中女移動」就係咁簡單：動動、笑笑、放鬆～完全無壓力，輕輕鬆鬆享受過程。唔需要做運動鐵人，亦唔需要變身健身達人。 三個鐘頭嘅「中女移動」，就係咁輕鬆走、輕鬆笑、輕鬆減壓，俾身心都好好充電🔋！ 傾到運動目標，順應大家嘅心意，下一課開始就會滿足大家嘅願望 🧘♀。呢度唔係比賽，唔一定要跑，唔一定要跳；可以學習、可以感恩，一齊探索更多機會，發掘一個更好嘅自己。
日期：08.11.2025 （星期六） 氣溫：23-28 °C 濕度：78% 訓練點滴｜家長小問答 每個星期六U16青少年越野班都進行多元化訓練。即使大家唔係親身參與，只係睇相，都會感受到當中嘅力量與歡樂！ 我們偶爾都會收到家長的提問，今次就試下用簡單直接的方式，回應兩個常見問題： 1.「話係越野跑，點解唔見成日跑步嘅？」 其實訓練係循序漸進，先學基本功、技術、節奏，再加入跑步元素，例如接力賽、節奏跑等，唔係每次都全程跑，我們會按訓練計劃循序漸進，讓學員在穩固基礎之下自然進步，一齊見證成長。 我們重視基礎訓練，包括核心肌力、平衡感、步伐節奏、上下坡技巧等，這些都係安全跑山的根基。 2.「點解同一日上堂我個小朋友去嘅地方唔同其他人？」 因為我們採用分組分程度的方式進行訓練。每位學員都有唔同起點與節奏，我哋會根據體能、經驗與進度，安排最適合佢哋嘅訓練路線與挑戰。 每季仲有一次內部錦標賽，係隊員表現自己嘅好機會！家長嘅支持好重要，唔止睇到子女進步，仲可以了解訓練內容。我哋教練亦會藉此觀察，調整未來訓練方向，幫助每位學員走得更遠！ 我們非常感謝家長的關心與支持。